දළ විශ්ලේෂණය

1923 අංක 01 දරන ඉන්දියානු සංක්‍රමණික කම්කරු ආඥා පනත යටතේ කම්කරු දෙපාර්තමේන්තුව ආරම්භ කරන ලද්දේ සංක්‍රමණික ඉන්දියානු වතු කම්කරුවන් සඳහා සුභසාධනය සැපයීමේ අරමුණ ඇතිවය.

කම්කරු දෙපාර්තමේන්තුවේ මූලික කාර්යය වන්නේ නීති ක්‍රියාත්මක කිරීමයි. මේ සඳහා දෙපාර්තමේන්තුවේ ප්‍රධාන අංශ 13ක් යටතේ මෙම කාර්යයන් ක්‍රියාත්මක වන අතර, ඊට අමතරව කලාප කම්කරු කාර්යාල 11ක්, දිස්ත්‍රික් කම්කරු කාර්යාල 40ක්, උප කම්කරු කාර්යාල 17ක් සහ දිස්ත්‍රික් කර්මාන්තශාලා පරීක්ෂණ ඉංජිනේරු කාර්යාල 10ක් ක්‍රියාත්මක වේ.

අපගේ දැක්ම

ජාත්‍යන්තරව තරඟකාරී ආර්ථිකයක් සඳහා සදාකාලික කාර්මික සාමයක් ඇති රටක්.

අපගේ මෙහෙවර

කම්කරු අයිතිවාසිකම් ආරක්ෂා කරමින්, සුරක්ෂිත කාර්මික සාමයක් තුළ යහපත් වැඩ පරිසරයක් ස්ථාපිත කිරීම තුළින් ශ්‍රී ලංකාවේ සමාජ-ආර්ථික සංවර්ධනයට දායක වීම.

කාර්යයන්

රට තුළ කාර්මික සාමය පවත්වා ගැනීම සඳහා කම්කරු නීති බලාත්මක කිරීම තුළින් කාර්මික ආරවුල් විසඳීම.
රට තුළ කාර්මික සාමය ස්ථාපිත කිරීම සඳහා කම්කරු නීති සම්බන්ධයෙන් වැඩ කරන ප්‍රජාව අතර දැනුවත්භාවය ඇති කිරීම සහ සමාජ සංවාදය ප්‍රවර්ධනය කිරීම.
වෘත්තීන්ට අදාළ කම්කරු ප්‍රමිතීන් ක්‍රියාත්මක කිරීම, නව වෘත්තීන් පිළිබඳ සමීක්ෂණ පැවැත්වීම සහ ජාත්‍යන්තර ප්‍රමිතීන්ට අනුකූලව එම වෘත්තීන් සඳහා ප්‍රමිතීන් සකස් කිරීම.
සේවක අර්ථසාධක අරමුදල (EPF) ප්‍රවර්ධනය කිරීම, එහි ප්‍රතිලාභ සාමාජිකයින්ට ප්‍රදානය කිරීම සහ අනුමත සහ පෞද්ගලික අර්ථසාධක අරමුදල් අධීක්ෂණය කිරීම.
රැකියා නියුක්තියේදී ළමුන්, කාන්තාවන් සහ තරුණයින්ගේ ආරක්ෂාව සම්බන්ධයෙන් නීති ක්‍රියාත්මක කිරීම.
කර්මාන්තවල ආරක්ෂාව සහ සෞඛ්‍යය සහතික කිරීම සඳහා අනුගමනය කළ යුතු ක්‍රමවේද හඳුන්වාදීම සහ ඒ පිළිබඳව දැනුවත්භාවය සහ අධීක්ෂණය ඇති කිරීම.