සැලසුම් පර්යේෂණ පුහුණු සහ ප්‍රකාශන අංශය

✔ දෙපාර්තමේන්තුවේ වාර්ෂික ක්‍රියාකාරී සැලැස්ම සහ උපායමාර්ගික සැලැස්ම ඇතුළුව ක්‍රියාකාරී සැලසුම් කෙටුම්පත් කිරීම සහ දෙපාර්තමේන්තුවේ සියලුම අංශ සහ ප්‍රාදේශීය කාර්යාලවලට එහි ඉලක්ක සපුරා ගැනීම සඳහා මඟ පෙන්වීම සඳහා කටයුතු සම්බන්ධීකරණය කිරීම.

✔ දෙපාර්තමේන්තු අංශ සහ ප්‍රාදේශීය කාර්යාලවල ක්‍රියාකාරකම් අධීක්ෂණය කිරීම, දෙපාර්තමේන්තුවේ ප්‍රාදේශීය කාර්යාලවල ප්‍රගති සමාලෝචන කටයුතු මෙහෙයවීම සහ ප්‍රගතිය පවත්වා ගැනීම සඳහා අවශ්‍ය නිර්දේශ ඉදිරිපත් කිරීම.

✔ දෙපාර්තමේන්තුවේ කාර්ය මණ්ඩලය සඳහා පුහුණු අවශ්‍යතා හඳුනා ගැනීම, මානව සම්පත් සංවර්ධන සැලැස්ම සකස් කිරීම, දෙපාර්තමේන්තුවේ සමස්ත කාර්ය මණ්ඩලය සඳහා අවශ්‍ය පුහුණුව ලබා දීම සහ විදේශ පුහුණු සඳහා අවශ්‍ය සම්බන්ධීකරණ කටයුතු සිදු කිරීම.

✔ දෙපාර්තමේන්තුවේ නිලධාරීන්ට අවශ්‍ය කම්කරු නීති සහ වැටුප් මණ්ඩල තීරණයන්ට අදාළ නීති මුද්‍රණය කිරීම සහ කම්කරු නිලධාරීන්ගේ ක්ෂේත්‍ර කටයුතු සඳහා අවශ්‍ය කම්කරු පරීක්ෂණ වාර්තා, මාසික දිනපොත් සහ සාමාන්‍ය ආකෘති පත්‍ර මුද්‍රණය කිරීම වැනි අභ්‍යන්තර මුද්‍රණ කටයුතු හැසිරවීම.

✔ දෙපාර්තමේන්තු අංශවලින් සහ ප්‍රාදේශීය කාර්යාලවලින් අවශ්‍ය දත්ත වරින් වර රැස් කිරීම, ඒවා විශ්ලේෂණය කිරීම සහ වාර්ෂික කාර්ය සාධන වාර්තාව ඇතුළු ප්‍රගති වාර්තා සකස් කිරීම සහ අවශ්‍යතාවය මත ඉදිරිපත් කිරීම.

✔ ජ්‍යෙෂ්ඨ මාණ්ඩලික නිලධාරීන්ගේ රැස්වීම සම්බන්ධීකරණය කිරීම සහ කම්කරු අමාත්‍යාංශය විසින් පවත්වනු ලබන ප්‍රගති සමාලෝචන රැස්වීම් සම්බන්ධීකරණය කිරීම.